La Liqa matçında “İsrail – qatillər!” şüarı

“Sevilya” La Liqanın 6-cı turunda “Vilyarreal”ı qəbul edib və qarşılaşma qonaqların 2:1 hesablı qələbəsi ilə başa çatıb.

84-cü dəqiqədə qonaqların israilli vingeri Manor Solomon meydana daxil olarkən ev sahibi azarkeşlər “İsrail – qatillər!” şüarları səsləndirib. Maraqlıdır ki, iki dəqiqə sonra Solomon qələbə qolunu vurub.

Komanda.az xarici KİV-ə istinadən xəbər verir ki, qarşılaşmadan əvvəl “Sevilya”nın ultras qruplaşması “Biris Norte” sosial şəbəkədə bunu yazıb yazıb:

“Soyqırımı müdafiə edən gəlib bizim evimizə. Mövqeyimiz aydındır: Sionistlər Nervyonada yer tapa bilməz!”

Solomon “Vilyarreal”a “Tottenhem”dən yay transfer pəncərəsinin bağlanmasına yaxın, icarə əsasında keçib.