Sevgilisindən Ronaldoya Yeni il hədiyyəsi – FOTO

Portuqaliyalı hücumçu Kriştiano Ronaldonun sevgilisi Corcina Rodriqes ona Yeni il hədiyyəsi ilə sürpriz edib.

Komanda.az xəbər verir ki, Corcina Ronaldoya lüks “Rolls-Royce Dawn” avtomobili hədiyyə edib.

Corcinanın sosial şəbəkədə öz səhifəsində yerləşdirdiyi videoda o, 37 yaşlı portuqaliyalı hücumçunun hədiyyəyə reaksiyasını göstərir. Ronaldo sosial şəbəkədə qıza hədiyyəyə görə təşəkkür edib: “Təşəkkür edirəm, sevgilim”.

Ronaldo əvvəlki klubu “Mançester Yunayted”lə müqaviləni ləğv etdikdən sonra azad agentdir. Daha əvvəl futbolçunun Səudiyyə Ərəbistanının “Əl-Nəsr” klubu ilə mövsümlük təxminən 500 milyon avro maaşla 2,5 illik müqavilə imzalayacağı bildirilirdi.