Şevçenko milli komandanı çalışdıra bilər

Ukrayna millisinin keçmiş futbolçusu Andrey Şevçenko Polşa yığmasının baş məşqçisi ola bilər.

Komanda.az “onet.pl”-ə istinadən xəbər verir ki, Polşa Futbol İttifaqının prezidenti Çezare Kuleşa 46 yaşlı mütəxəssisi bu posta gətirmək niyyətindədir.

Yığma komandanın hazırkı baş məşqçisi Çeslav Mixneviçin müqaviləsi ilin sonunda bitəcək. AÇ-2024-ün seçmə mərhələsi martda başlayacağı üçün Kuleşa tez qərar vermək niyyətində deyil.

Polşa milli komandası DÇ-2022-nin 1/8 finalında Fransaya uduzaraq (1:3), turnirlə vidalaşıb.

Şevçenko 2016-2021-ci illərdə Ukrayna millisini, 2021/2022 mövsümündə isə İtaliyanın “Cenoa” komandasını çalışdırıb.