Şevçenko “Milan”ın hücumçusunu tənqid etdi

“Milan”ın keçmiş hücumçusu və “qızıl top”un sahibi Andrey Şevçenko komandanın hazırkı forvardı Rafael Leaonu tənqid edib.

Komanda.az xarici KİV-ə istinadən xəbər verir ki, ukraynalı sabiq hücumçu, Leaonun lider olmadığını bildirib:

“Milan”ın davamlılığı yoxdur. Leao lider deyil. Əhəmiyyətli oyunçu olmaq və adını “Milan”ın tarixinə yazmaq istəyirsə, daha çox səy göstərməlidir.

“Milan” üçün oynayırsansa, meydanda gəzmək qəbuledilməzdir. Hər dəfə oyuna çıxanda təzyiq var və sən yalnız qarşında olanı istəməlisən”.

Portuqaliyalı forvard bu mövsüm bütün turnirlərdə 29 oyun keçirib, 8 qol vurub və 7 məhsuldar ötürmə edib. Onun hazırkı klubu ilə müqaviləsi 2028-ci ilin yayına qədərdir.