Siqaret çəkən futbolçu: “Pis nümunə olmaq istəmirəm”

“Barselona”nın qapıçısı Vojçex Şesnı siqaret çəkməsi ilə bağlı suala cavab verməkdən imtina edib.

Komanda.az ESPN-ə istinadən xəbər verir ki, peşəkar karyerası boyunca bu zərərli vərdişlə mübarizə aparan polşalı futbolçu adətən suallara səmimi cavab verməyə çalışdığını, ancaq bu mövzuda danışmağa hazır olmadığını bildirib:

“Danışmaq istəmədiyim mövzular var. Məsələn, hazırda danışdığımız mövzu. Bu barədə sual verilməsini istəmirəm. Çünki pis nümunə olmaq istəmirəm”.

Şesnı 2024-cü ildə futbolçu karyerasını başa vurduğunu elan etmişdi. Ancaq “Barselona” əsas qapıçısı Mark-Andre ter Ştegenin zədələnməsindən sonra onu karyerasını bərpa etməyə məcbur edib.

35 yaşlı qolkiper hazırkı mövsümdə 25 oyunda meydana çıxıb, 24 qol buraxıb və 13 qarşılaşmada qapısını toxunulmaz saxlayıb.