Sergeyin “müştərilər”i – MY və “Yuventus”

Serbiyalı futbolçu Sergey Milinkovic-Saviç bu yay “Latsio”dan ayrıla bilər.

Komanda.az İtaliya mətbuatına istinadən xəbər verir ki, 27 yaşlı yarımmüdafiəçi ilə “Mançester Yunayted” və “Yuventus” maraqlanır. Daha əvvəl onunla maraqlanan PSJ də serbiyalı futbolçu uğrunda mübarizəyə qoşula bilər.

“Latsio” Milinkoviç-Saviçi yalnız onun üçün 100 milyon avro təklif ediləcəyi təqdirdə buraxacaq.

Serbiyalı yarımmüdafiəçi bu mövsüm A Seriyasında 26 matçda 8 qol vurub, 8 məhsuldar ötürmə edib.