Azərbaycan millisinin oyunlarından Qarabağ Dirçəliş Fonduna ianə

Sentyabrın 7-də, saat 20:00-da Bakı Olimpiya Stadionunda keçiriləcək Azərbaycan – Portuqaliya oyununun bilet satışından əldə olunan gəlirin 10 faizi Qarabağ Dirçəliş Fonduna ianə ediləcək.

Komanda.az xəbər verir ki, AFFA və Qarabağ Dirçəliş Fondu arasında əldə olunmuş razılığa əsasən, Azərbaycan – Portuqaliya oyunundan başlayaraq, 2022-ci ildə Qətərdə keçiriləcək dünya çempionatının seçmə mərhələsi çərçivəsində Azərbaycan milli komandasının bütün ev oyunlarında bilet satışından əldə olunan gəlirin 10 faizi Qarabağ Dirçəliş Fonduna ianə olunacaq.

İanə olunan məbləğ işğaldan azad olunan ərazilərdə futbol infrastrukturunun bərpası və inkişafı kimi məqsədlərə sərf olunacaq.

Sabah keçiriləcək Azərbaycan – Portuqaliya oyunu saat 20:00-da başlayacaq.