“Selta”dan 37 yaşlı futbolçu ilə yeni müqavilə

İspaniyalı hücumçu Yaqo Aspas “Selta” ilə yeni müqavilə imzalayıb.

Komanda.az İspaniya klubunun mətbuat xidmətinə istinadən xəbər verir ki, 37 yaşlı forvard əməkdaşlığı 2026-cı ilin ortalarına qədər uzadıb.

Aspas İspaniya çempionatının cari mövsümündə 16 oyuna çıxıb, 6 qol vurub və 3 məhsuldar ötürmə edib. Onun komandası La Liqanın 18 turundan sonra 24 xal toplayıb və turnir cədvəlinin 11-ci pilləsində qərarlaşıb.

“Selta” İspaniya çempionatının növbəti oyununda, yanvarın 10-da səfərdə “Rayo Valyekano” ilə qarşılaşacaq.