“Şelburn”un baş məşqçisi: “Bu, tam bizim istədiyimiz ab-havadır”

“Şelburn” sabah UEFA Çempionlar Liqasının 2-ci təsnifat mərhələsinin cavab matçında “Qarabağ”ın qonağı olacaq.

Komanda.az xəbər verir ki, İrlandiya klubunun baş məşqçisi Coy O’Brayenin oyundan bir gün əvvəl mətbuat konfransı keçirilib. 39 yaşlı mütəxəssis istəklərinin qələbə qazanmaq olduğunu bildirib:

“Sabahkı qarşılaşma normal bir oyundur.
Azarkeş təziqinin olması futbolun mahiyyətidir, buna alışmışıq, qorxmuruq.
Həm baş məşqçi, həm də futbolçular olaraq istəyimiz qələbə qazanmaqdır. Mərhələni keçmək də mümkündür. Bu, tam bizim istədiyimiz ab-havadır”.

“Qarabağ” – “Şelburn” matçı sabah Tofiq Bəhramov adına Respublika stadionunda, saat 20:00-da start götürəcək. Dublində baş tutan ilk oyun ağdamlıların 3:0 hesablı qələbəsi ilə yekunlaşıb.

Fəxri Rüstəmli