“Real”ın futbolçusu narazıdır

“Real” transfer pəncərəsi bağlanana qədər daha bir oyunçunun keçidini tamamlaya bilər.

Komanda.az xarici KİV-ə istinadən xəbər verir ki, bu, yalnız yarımmüdafiəçi Dani Sebalyosun “kral klubu”ndan ayrılacağı təqdirdə baş verəcək. O, “Real”dakı mövqeyindən narazıdır və komandasını dəyişməyi düşünür.

Sebalyos 2017-ci ilin yayından Madrid klubunun futbolçusudur. Tərəflər arasındakı müqavilə 2027-ci ildə başa çatacaq. 28 yaşlı futbolçu İspaniya çempionatının yeni mövsümündə bir oyunda iştirak edib.