Sautqeyt: “Mançester Yunayted”lə heç bir danışığım olmayıb”

İngiltərə millisinin baş məşqçisi Qaret Sautqeyt “Mançester Yunayted”də Erik ten Haqı əvəz edə biləcəyi ilə bağlı məlumatı şərh edib.

Komanda.az “The Telegraph”-a istinadən xəbər verir ki, ingilis mütəxəssis Mançester klubu ilə danışıq aparmadığını bildirib:

“Bu barədə danışmaq yersizdir. Mənim “Mançester Yunayted”lə heç bir danışığım olmayıb. Diqqətimi cəmləməli olduğum bir şey var: İngiltərə millisinin Avropa çempionatındakı (AÇ-2024) uğuru”.

Daha əvvəl “Foot Mercato” nəşri məlumat yayıb ki, Sautqeyt “Mançester Yunayted”in baş məşqçisi vəzifəsinə əsas namizəddir.