“Layiqli qələbə qazandıq” – Sarri

“Çelsi”nin baş məşqçisi Mauritsio Sarri İngiltərə Premyer Liqasının son turunda “Brayton”a 3:0 hesabı ilə qalib gəldikləri matçdan sonra açıqlama verib.

Komanda.az İngiltərə mətbuatına istinadən xəbər verir ki, italiyalı mütəxəssis, oyunun çətin keçdiyini deyib:

“Nəticəyə baxsaq, oyunun bizim üçün asan keçdiyini düşünə bilərik. Amma bu, belə deyil. Görüşün böyük hissəsində yaxşı oyun göstərə bildik və layiqli qələbə qazandıq.

Bu gün stadionda əla atmosfer var idi. Azarkeşlər 90 dəqiqə ərzində bizi dəstəklədilər. Bunun üçün onlara təşəkkür edirəm”.