Sarridən Hazard etirafı: “Razı salmağa çalışacağıq, ancaq…”

“Çelsi”nin baş məşqçisi Mauritsio Sarri, adı “Real”la hallanan futbolçusu Eden Hazardın gələcək taleyiylə bağlı danışıb.

Komanda.az xəbər verir ki, İngiltərə Premyer Liqasının 33-cü turunda “Vest Hem”i məğlub etdikləri oyundan (2:0) sonra jurnalistlərə açıqlama verən Sarri, Hazardı klubda saxlamağın çətin olduğunu deyib:

“Klubun Hazardı satmaq istəmədiyindən əminəm. Ancaq Hazard getmək istəsə, onu saxlamaq çətin olacaq. Onu razı salmağa çalışacağıq, ancaq asan olmayacaq. Qərarına hörmətlə yanaşmalıyıq.

Onun 100 milyon avroya transfer olacağını iddia edirlər. İndiki dövrün standartlarına görə bu çox az məbləğdir. Transfer dövrlərində daha çox məbləğlər gördük. Hazard kimi bir oyunçu tapmaq çox çətindir”.

İspaniya və İngiltərə mətbuatı Hazardın “Real”la razılaşdığını iddia edir.