Santuş: “Kimsə kiminsə dostudur deyə, milliyə dəvət etmirik”

Azərbaycan millisinin baş məşqçisi Fernandu Santuş UEFA Millətlər Liqasında keçiriləcək Estoniya və Slovakiya ilə oyunlardan öncə mətbuat konfransında iştirak edib.

Komanda.az xəbər verir ki, o, millinin kapitanı Emin Mahmudovla bağlı sualı da cavablandırıb:

“Emin oyunda elə qərarlar verə bilər ki, bunu hər futbolçu bacarmır. Heç kim fikirləşməsin ki, həmişə oynayacaq. Bu qərarları baş məşqçi verir. Futbolçular dərk etməlidirlər ki, milliyə xidmət edirlər. Yığmaya çağırılmaq o demək deyil ki, yüz faiz oynayacaq. Müəyyən futbolçular var ki, daha çox oynayırlar. Bu, bütün yığmalarda belədir. Köməkçilərimlə birlikdə Azərbaycan çempionatının bütün oyunlarını izləyirik. Hər bir futbolçu diqqətdədir. Kimsə kiminsə dostudur deyə, milliyə dəvət etmirik”.

Azərbaycan milli komandası C liqasının I qrupu çərçivəsində oktyabrın 11-də “Lilleküla” stadionunda Estoniya yığması, oktyabrın 14-də isə Tofiq Bəhramov adına Respublika stadionunda Slovakiya seçməsi ilə qarşılaşacaq. Hər iki oyun eyni vaxtda – saat 20:00-da başlayacaq.