Salah rekorda imza atıb

“Liverpul”un hücumçusu Məhəmməd Salah İngiltərə çempionatının ikinci turunda “Brentford”la qarşılaşmada (2:0) qol vurub.

Komanda.az “Squawka”-ya istinadən xəbər verir ki, misirli forvard bu qolla “qırmızılar”ın heyətində “Enfild”də keçirdiyi 128 matçda 128 qolda iştirak edib. O, 93 qol vurub və 35 məhsuldar ötürmə verib.

31 yaşlı futbolçu 2017-ci ildə “Liverpul”a keçdikdən sonra komandanın başqa heç bir oyunçusu Premyer Liqanın ev oyunlarında 100-dən çox xal toplaya bilməyib.

Arne Slotun komandası Premyer Liqaya 2 qələbə ilə başlayıb.