Yeni müqavilə ilə Salahın maaşı nə qədər olacaq?

Məhəmməd Salah “Liverpul”la 2027-ci ilin ortalarına qədər nəzərdə tutulan yeni müqavilə imzalayıb.

Komanda.az “The Telegraph”-a istinadən xəbər verir ki, yeni müqavilə ilə misirli forvardın maaşı ildə 20 milyon avro olacaq.

Yeni müqavilədə işin icrasına görə bonus ödənişləri də nəzərdə tutulur. O, 2017-ci ildən “Liverpul”da çıxış edir.

Salah ümumilikdə mersisaydlıların heyətində 394 oyun keçirib, 243 qol vurub və 111 məhsuldar ötürmə edib. O, İngiltərə çempionatının cari mövsümündə 27 qolla bombardirlər yarışına başçılıq edir.