Cerrard: “Salah “Liverpul”dan ayrılmaz”

“Əl-İttifaq”ın baş məşqçisi Stiven Cerrard Məhəmməd Salahın “Liverpul”dan ayrıla biləcəyi haqda yayılan xəbərlərə münasibət bildirib.

Komanda.az xarici KİV-ə istinadən xəbər verir ki, ingiltərəli mütəxəssis, misirli forvardın “Liverpul”dan ayrılmamalı olduğunu söyləyib:

“İnanıram ki, Salahı bir neçə mövsüm də “Liverpul”da görərik. Forması və peşəkarlığı üzündən uzun illər yaxşı performans sərgiləyəcəyini düşünürəm. Buna görə də, “Liverpul”dan ayrılmaz.

Salahın “Liverpul”da tez-tez yaxşı performans sərgiləməsi təəccüblü deyil. Onun kimi futbolçular işlərinə çox bağlı olur və yüksək səviyyədə bacarığa sahibdirlər”.

32 yaşlı forvard cari mövsümdə 13 oyun keçirib, 8 qol vurub və 7 məhsuldar ötürmə verib.