“Salah mütləq “Liverpul”un əfsanəsi sayılacaq”

“Liverpul”un müdafiəçisi Vircil van Dayk komanda yoldaşı Məhəmməd Salah haqda danışıb.

Komanda.az “goal.com”-a istinadən xəbər verir ki, o, misirli forvardın “Liverpul” üçün vacib futbolçu olduğunu söyləyib:

“Liverpul”da çıxış edən əksər futbolçular böyük uğurların qazanılmasında yaxından iştirak edib. Məncə, Salah mütləq “Liverpul”un əfsanəsi sayılacaq.

Onun gördüyü işlərin dünya futbolu tərəfindən daha çox qiymətləndiriləcəyini düşünürəm. O, bizim üçün çox vacib futbolçudur.

Gördüyü bütün işləri yüksək qiymətləndiririk. Necə zəhmət çəkdiyini bilirik. Eyni tempdə davam etməlidir”.

30 yaşlı Salah 2022/23 mövsümündə Mersisayd təmsilçisinin heyətində bütün turnirlər daxil olmaqla 44 oyuna çıxıb, 27 qol vurub və 11 məhsuldar ötürmə ilə yadda qalıb.