Salahı belə tənqid edən olmamışdı

“Liverpul”un keçmiş futbolçusu Qrem Suness komandanın hücumçusu Məhəmməd Salahı tənqid edib.

Komanda.az “Daily Mail”-ə istinadən xəbər verir ki, şotlandiyalı keçmiş futbolçu, misirli forvardın özü haqda yüksək fikirdə olduğunu bildirib:

“Salah özü haqqında yüksək fikirdədir, ona görə də, ehtiyat oyunçular skamyasında olmasından narazı idi. O, indiyə qədər gördüyüm ən eqoist futbolçudur. Heç vaxt Yurgen Klopp tərəfindən ehtiyat oyunçular skamyasında qalmağı xoşlamırdı”.

Salah 2017-ci ildən “qırmızılar”ın oyunçusudur. O, bu mövsüm 41 matçda iştirak edib, 24 qol vurub, 13 məhsuldar ötürmə edib.