Salah millinin bir neçə oyununu buraxacaq

Misir milli komandasının kapitanı Məhəmməd Salahın zədə səbəbindən buraxacağı oyunların sayı məlum olub.

Komanda.az Misir Futbol Assosiasiyasının mətbuat xidmətinə istinadən xəbər verir ki, Afrika Millətlər Kubokunun qrup mərhələsinin Qana millisinə qarşı oyununda zədələnərək matçı tərk etmiş hücumçuya əzələ dartılması diaqnozu qoyulub. Salah qrup mərhələsinin yekun oyununu buraxacaq. Həmçinin, Misir millisi 1/8 finala çıxarsa, “qırmızılar”ın hücumçusu bu matçı da buraxmalı olacaq.

Salah hazırkı Afrika Millətlər Kubokunda bir qol vurub və bir məhsuldar ötürmə edib. İngiltərə “Liverpul”unda çıxış edən hücumçu bu mövsüm komandasının heyətində bütün turnirlərdə 27 oyun keçirib, 18 qol vurub və 9 məhsuldar ötürmə verib.