“Şah” bu gün Karlsenlə qarşılaşacaq

Bu gün Azərbaycan şahmatçısı Şəhriyar Məmmədyarov Norveçin Stavanger şəhərində təşkil olunan “Norway Chess” turnirində növbəti oyununu keçirəcək.

Komanda.az xəbər verir ki, 38 yaşlı qrossmeyster 7-ci turda yerli iti zəka sahibi Maqnus Karlsenlə üz-üzə gələcək.

Məmmədyarov 6-cı turda armageddonda ABŞ təmsilçisi Hikaru Nakamuraya uduzub. O, hazırda 9 xalla 8-ci pillədə qərarlaşıb. Nakamura isə 12,5 xalla ikinci sıradadır.

“Norway Chess” iyunun 9-da başa çatacaq. Reqlamentə əsasən, birbaşa qələbəyə görə 3 xal verilir. Heç-heçə olacağı təqdirdə rəqiblər armageddonda qarşılaşırlar. Bu halda qalib 1.5, məğlub olan tərəf isə 1 xal əldə edir.