“Bayern” onu “Borussiya”ya satır

“Bayern”in və Avstriya millisinin yarımmüdafiəçisi Marsel Sabitzer tezliklə Dortmund “Borussiya”sının futbolçusu olacaq.

Komanda.az xarici KİV-ə istinadən xəbər verir ki, Dortmund təmsilçisi 29 yaşlı futbolçu üçün Münhen klubuna bonuslar daxil olmaqla 19 milyon avro ödəyəcək.

Futbolçunun “Bayern”lə müqaviləsi 2025-ci ilin iyun ayının sonuna qədər nəzərdə tutulub. “Transfermarkt” portalı avstriyalının bazar dəyərini 20 milyon avro qiymətləndirir.

Sabitzer 2022/2023 mövsümünün ikinci yarısında “Mançester Yunayted”də icarə əsasında çıxış edib. O, “qırmızı şeytanlar”ın heyətində bütün yarışlarda 18 oyun keçirib, üç qol vurub və bir məhsuldar ötürmə edib.