Bellingem sabiq futbolçunu təəccübləndirib

“Bayern”in və Almaniya yığmasının sabiq futbolçusu Lotar Matteus “Real”ın yarımmüdafiəçisi Çud Bellingem haqda fikirlərini bölüşüb.

Komanda.az “Daily Mail”-ə istinadən xəbər verir ki, o, ingilis futbolçunun fərqli oyun tərzinin olduğunu söyləyib:

“Onun bu qədər qol vurmasj məni bir az təəccübləndirdi. Bir az fərqli oynayır. “Borussiya”da o, lider idi və bu onun gənc yaşı üçün böyük yükdür.

Amma “Real”da Bellingemdən başqa, onunla oxşar səviyyəli yeddi-səkkiz oyunçu var. Ola bilsin ki, onun üçün “Real”da oynamaq Dortmund “Borussiya”sında oynamaqdan daha asandır, çünki komanda yoldaşları bunu asanlaşdırır”.

20 yaşlı yarımmüdafiəçi yayda Dortmund “Borussiya”sından “Real”a 103 milyon avroya keçib. Onun Madrid klubu ilə müqaviləsi 2029-cu ilin iyun ayının sonuna qədər qüvvədədir.