24-cü duel

Azərbaycan Premyer Liqasında 2023/24 mövsümünün ilk turunun sonuncu oyunu bu gün “Qəbələ” ilə “Sabah” arasında baş tutacaq.

Komanda.az xəbər verir ki, Bakıda keçiriləcək görüş iki komanda arasında 24-cü matç olacaq.

Bunadək rəqiblər ümumilikdə 23 dəfə görüşüblər. Əvvəlki oyunlarda “Qəbələ” 9 dəfə qalib gəlib, 3 dəfə heç-heçə edib və 11 dəfə uduzub. Rəqib qapısına 26 qol vuran “Qəbələ” 33 top buraxıb.

İndiyədək keçirilən 23 matçdan 19-u çempionat, 4-ü kubok çərçivəsində baş tutub. Premyer Liqada 5 qələbə və 3 heç-heçəsi olan “Qəbələ” 11 qarşılaşmadan xalsız ayrılıb. Top fərqi də bakılıların xeyrinədir – 31:18.

“Qəbələ” səfərdəki 12 görüşdə 5 dəfə qaib gəlib. Digər 7 matçda meydan sahibləri qələbə qazanıb. Bu oyunlarda da top fərqində paytaxt klubu öndədir – 18:13.

Xatırladaq ki, “Bank Respublika Arena”da keçiriləcək “Sabah” – “Qəbələ” oyunu saat 20:00-da başlayacaq.