“Sabah”ın zədəli futbolçusunun durumuna aydınlıq gəldi

Azərbaycan Premyer Liqasının 11-ci turunda “Neftçi” ilə oyunda zədələnən “Sabah”ın futbolçusu Aleksey Kaşukun durumuna aydınlıq gəlib.

“Sabah”ın mətbuat xidmətinin rəhbəri Elnur Həmidovun Komanda.az-a verdiyi məlumata görə, MRT müayinəsinin nəticəsinə əsasən, 22 yaşlı oyunçuda hansısa qırıq aşkarlanmayıb.

Hazırda ukraynalı oyunçunun müalicəsi davam etdirilir. Kaşukun növbəti qarşılaşmaya kimi hazır olub-olmayacağı hələlik məlum deyil.

“Sabah” səfərdə “Neftçi”yə 3:2 hesabı ilə qalib gəlib. Kaşuk zədələndiyi üçün 77-ci dəqiqədə yerini İldar Alekperova verib.

Bizi Telegramda izləyin