“Sabah”ın yeni baş məşqçisi kim olacaq? – Açıqlama

“Sabah” ötən günlərdə rusiyalı baş məşqçi Vasili Berezutski ilə yollarını ayırdı.

Komanda.az-ın əldə etdiyi məlumata görə, yeni baş məşqçi də əcnəbi mütəxəssis olacaq.

Məsələ ilə bağlı Masazır təmsilçisinin mətbuat xidmətinin rəhbəri Elnur Həmidovla əlaqə saxladıq. Klub rəsmisi Komanda.az-a açıqlamasında yeni baş məşqçi ilə bağlı detallı məlumat verə bilməyəcəyini deyib:

“Baş məşqçi seçimi prosesi davam edir. Yaxın günlərdə mövzu ilə bağlı ictimaiyyətə ətraflı məlumat veriləcək”.

“Sabah” son mövsümdə tarixində ilk dəfə ölkə kubokuna yiyələnməklə, UEFA Avropa Liqasına vəsiqə qazanıb.