“Sabah”ın basketbolçusu rekorda imza atıb

“Sabah” klubunun basketbolçusu Klavs Cavars FIBA Avropa Kubokunda bir oyun ərzində 8 blokşot edərək turnirin rekorduna imza atıb.

Paytaxt təmsilçisinin mətbuat xidmətindən Komanda.az-a verilən məlumata görə, buna qədər rekord (7 blokşot) 2017-ci ildə qeydə alınıb.

Klavs bu göstərici üzrə liderdir. O, hər oyunda orta hesabla 3,4 blokşot edib.

28 yaşlı mərkəz oyunçusu həmçinin hər matçda orta hesabla 7,6 xal və 10,4 ribaundla yadda qalır.