“Sabah”dan Serbiya toplanışında ilk qələbə

FIBA Avropa Kubokunun təsnifat mərhələsinə hazırlıq çərçivəsində Serbiyanın paytaxtı Belqrad şəhərində təlim-məşq toplanışında olan “Sabah” basketbol komandası 3-cü yoxlama oyununu keçirib.

Komanda.az xəbər verir ki, Azərbaycan çempionu Serbiya Basketbol Liqasında mübarizə aparan “OKK Beograd”la qarşılaşıb.

Təmsilçimiz bu oyunda 97:84 hesabı ilə qalib gəlib.

“Sabah” ilk iki yoxlama oyununda “Vrsaç” (57:62) və “Radniçki”yə (81:82) uduzmuşdu.