“Sabah”ın zədəliləri nə vaxt qayıdacaq?

“Sabah”da bir müddətdir ki, zədəli olan Kevin Kubemba və Ruslan Abışovun son durumu məlum olub.

Bu barədə Bakı təmsilçisinin mətbuat xidmətinin rəhbəri Elnur Həmidov Komanda.az-a açıqlamasında deyib. O, Kevinin tam sağalması üçün vaxt lazım olduğunu bildirib:

“Kevində sınıq olduğu üçün tam sağalması bir qədər vaxt aparır. Yaxın günlərdə yenidən tibbi müayinədən keçəcək. Ruslan isə hazırda fərdi məşqlər edir. O, 7-10 gün ərzində komandayla məşqlərə başlayacaq”.

Kubemba mövsümün əvvəlində – Türkiyədəki yay toplanışında zədələnmişdi. Ruslan isə Premyer Liqanın 9-cu turunun “Zirə” ilə matçında (2:2) sıradan çıxmışdı.

Şahin Cəfərov