“Sabah” – RFS matçına satılan bilet sayı məlum oldu

Azərbaycan Premyer Liqasının son mövsümündə çempionatı 2-ci pillədə başa vuran “Sabah” yeni mövsümdə tarixində ilk dəfə avrokuboklarda iştirak edir. Komanda UEFA Konfrans Liqasında mübarizə aparır. “Sabah”ın Konfrans Liqasındakı rəqibi Latviyanın RFS klubudur. Latviyada keçirilən ilk matçda “Sabah” 2:0 hesablı qələbə qazanıb.

Avqustun 3-də keçiriləcək cavab oyununa bilet satışı davam edir. “Sabah”ın mətbuat xidmətindən Komanda.az-a verilən məlumata görə, RFS ilə cavab oyununa 3500-dən çox bilet satılıb.

Masazırda yerləşən “Bank Respublika Arena”da keçiriləcək qarşılaşma saat 20:00-da başlayacaq.