“Səudiyyə Ərəbistanında işləyəcəyimə inanıram” – Mourinyo

“Roma”nın baş məşqçisi Joze Mourinyo Səudiyyə Ərəbistanı çempionatında mümkün işləməklə bağlı sualı cavablandırıb.

Komanda.az “Corriere dello Sport”-a istinadən xəbər verir ki, portuqaliyalı mütəxəssis Səudiyyə Ərəbistanında işləyəcəyinə inandığını deyib:

“İndi mən “Roma”dayam və bu komandanı düşünürəm. Gələcəkdə nə olacağını heç kim bilmir. Amma Səudiyyə Ərəbistanında işləyəcəyimə inanıram. Əminəm ki, bunu edəcəm”.

Mourinyonun çalışdırdığı “Roma” İtaliya A Seriyasında 13-cü yerdədir. Komanda 7 turdan sonra 8 xal toplayıb.