Səudiyyə Ərəbistanı klubunun hədəfindədir – “Milan”ın hücumçusu

“Milan”da çıxış edən portuqaliyalı hücumçu Rafael Leaonun karyerasını Səudiyyə Ərəbistanı çempionatında davam etdirmək variantı var.

Komanda.az “Football-Italia” istinadən xəbər verir ki, 25 yaşlı futbolçu ilə “Əl-Hilal” maraqlanır.

“Milan” lideri ilə ayrılmaq istəmir, lakin onun müqaviləsində 175 milyon avroya satınalma bəndi var. Səudiyyə Ərəbistanı klubu bu variantdan istifadə edib futbolçu ilə müqavilə bağlaya bilər.

Leao İtaliya A Seriyasının son mövsümündə 46 oyun keçirib. Onun aktivində 14 qol və 14 məhsuldar ötürmə var.

Portuqaliyalı forvardın Milan klubu ilə müqaviləsi 2028-ci ilin ortalarına qədərdir.