Ərəblər “Arsenal”ın futbolçusuna “elçi düşüb”

“Arsenal”a məxsus olan belçikalı vinger Leandro Trossard karyerasını Səudiyyə Ərəbistanında davam etdirə bilər.

Komanda.az xəbər verir ki, bu barədə “Todofichajes” nəşri məlumat yayıb.

“Əl-İttihad” 29 yaşlı futbolçunun xidmətində maraqlıdır. Səudiyyə Ərəbistanı klubunun rəhbərliyi onun üçün 15 milyon avro təklif etməyə hazırdır.

“Transfermarkt” portalı Trossardın dəyərini 35 milyon avro qiymətləndirir. Onun klubla müqaviləsi 2026-cı ilin iyun ayının sonuna qədərdir.

Belçikalı yarımmüdafiəçi İngiltərə çempionatının cari mövsümündə 10 oyun keçirib, 2 qol vurub.