![](https://komanda.az/wp-content/uploads/2023/08/senan-qurbanov.jpg)
Sənan Qurbanov “Neftçi”də – Rəsmi
“Neftçi”də baş məşqçi Adrian Mutunun seçimi və təqdimatı əsasında məşqçilər korpusuna daha bir təyinat reallaşıb.
Komanda.az klubun mətbuat xidmətinə istinadən xəbər verir ki, Sənan Qurbanov “ağ-qaralar”da köməkçi məşqçi funksiyasını yerinə yetirəcək.
43 yaşlı mütəxəssis yeni klubu ilə 2 llik müqavilə bağlayıb.
Sənan Qurbanov 2018/2019 mövsümündə “Qəbələ”yə, 2020/2021 mövsümündə isə “Keşlə”yə (indiki “Şamaxı”) baş məşqçi kimi Azərbaycan kubokunu qazandırıb.
“Neftçi”də Adrian Mutunun digər köməkçiləri Alin-Nikolaye Çita (köməkçi məşqçi), Aurelian-Boqdan Patraşku (analitik məşqçi), Miodraq Todorov (fiziki hazırlıq üzrə məşqçi) və Mihai-Qavril Nedebandır (qapıçılar üzrə məşqçi).
Bizi Telegramda izləyin
Bizi Facebook-da izləyin