“Səhvin bizdə olduğunu bilirik və bəhanə axtarmırıq” – Luis Suares

“Barselona”nın hücumçusu Luis Suares açıqlama verib.

Komanda.az İspaniya mətbuatına istinadən xəbər verir ki, uruqvaylı futbolçu, La Liqadakı uğursuzluğu qəbul etdiyini bildirib:

“İlk növbədə özümüzü tənqid etməliyik. Səhvin bizdə olduğunu bilirik və bəhanə axtarmırıq. Reallıqla üzləşmək bizim üçün daha yaxşıdır. İndi komandanın qüruru üçün qarşıdakı iki oyunda mübarizə aparmalı və daha sonra Çempionlar Liqasına köklənməliyik. Mümkün olan maksimum səviyyəmizdə çıxış etsək, nəsə əldə edə bilərik. Amma uğursuzluq bizə baha başa gələ bilər, buna görə də, çox diqqətli olmalıyıq”.