“Səbail”dən yubiley qələbəsi
“Səbail” Azərbaycan Premyer Liqasında yubiley qələbəsini qazanıb.
Komanda.az Peşəkar Futbol Liqasına istinadən xəbər verir ki, bu, 5-ci turda “Qarabağ”la oyuna təsadüf edib.
Rəqibini 2:1 hesabı ilə məğlub edən “dənizçilər” ölkə çempionatında 25-ci ev qələbəsini qazanıb. Paytaxt təmsilçisi bunu öz meydanında keçirdiyi 87-ci matçında reallaşdırıb. Komanda digər görüşlərin 18-də heç-heçə edib, 44 dəfə isə uduzub.
“Səbail” Premyer Liqada 2017/2018 mövsümündə debüt edib. Bakılıların ilk ev qələbəsi 2017-ci il avqustun 19-da qeydə alınıb. “Dənizçilər” həmin vaxt “Neftçi” ilə öz meydanındakı görüşdə bir cavabsız qolla qələbə qazanıblar.
Bizi Telegramda izləyin
Bizi Facebook-da izləyin