“Səbail” növbəti transferini açıqladı

“Səbail” yay fasiləsində növbəti transferini açıqlayıb.

Komanda.az klubun mətbuat xidmətinə istinadən xəbər verir ki, yarımmüdafiəçi Coşqun Diniyevlə müqavilə imzalanıb.

Son iki ili “Zirə”də keçirən 28 yaşlı orta sahə oyunçusu növbəti mövsümdən “dənizçilər”in formasını geyinəcək.

Maraqlıdır ki, Coşqun Diniyevin atası Şahin Diniyev “Səbail”in baş məşqçisi, qardaşı Kərim Diniyev isə köməkçi-məşqçisidir.

Qəsəbə təmsilçisi buna qədər Yusif Nəbiyev, Süleyman Əhmədov, Rüfət Abdullazadə, Səlahət Ağayevi də transfer etmişdi.