“Səbail” Avroliqanın 10 debütantı sırasında

2018/19 mövsümündə 10 fərqli ölkənin komandaları UEFA Avropa Liqasına vəsiqə qazanıb.

Komanda.az UEFA-nın rəsmi hesabatına istinadən xəbər verir ki, bunların arasında Azərbaycan təmsilçisi “Səbail” də yer alıb.

“10-luğ”a “Yeni Malatyaspor” (Türkiyə), “Vitebsk” (Belarus), “Jalgiris” (Kaunas, Litva), “RFS Riqa” (Latviya), “Sperantsa” (Moldova), “Akademiya Pandev” (Şimali Makedoniya), “Legiya” (Polşa), “Arsenal” (Tula, Rusiya) və “Mura” (Sloveniya) da düşüb.

Çempionlar Liqasında isə bu mövsüm debüt edənlərin sayı 7-yə bərabərdir. Bunlar “Saburtalo” (Gürcüstan), “Atalanta” (İtaliya), “Feronikeli” (Kosovo), “Riqa” (Latviya), “Pyast” (Polşa), “Krasnodar” (Rusiya) və “Ararat (Ermənistan) komandalarıdı.

Qeyd edək ki, “Səbail” Avropa Liqasının I təsnifat mərhələsində Rumıniya “Universitatya”sına hər iki oyunda 2:3 hesabı ilə uduzaraq mübarizəni dayandırıb.