“Səbail” 1300 manat cərimələnib

AFFA İntizam Komitəsi “Səbail” klubunu 1300 manat cərimələyib.

Komanda.az AFFA-nın rəsmi saytına istinadən xəbər verir ki, buna “dənizçilər”in evdə “Qarabağ”a 0:3 hesabı ilə uduzduqları Premyer Liqanın 14-cü turunun matçında yaşananlar səbəb olub.

Paytaxt təmsilçisi azarkeşlərin 62-ci dəqiqədə lazer işıqdan istifadə etməsinə görə 500 manat ödəyəcək. Bakı klubu görüş bitəndən sonra meydana kənar şəxslərin daxil olması ucbatından 800 manat ziyana düşüb.

“Qarabağ” isə 700 manat cərimələnib. Buna “köhlən atlar”ın 4 oyunçusunun sözügedən qarşılaşmada sarı vərəqə ilə cəzalandırılması əsas verib.