“Səbail”in Gürcüstandakı rəqibləri bəlli oldu

Yeni mövsümə hazırlığı davam etdirən “Səbail”in Gürcüstandakı təlim-məşq toplanışı çərçivəsində qarşılaşacağı rəqiblər müəyyənləşib.

Komanda.az xəbər verir ki, baş məşqçi Mahmud Qurbanov futbolçularını 3 yoxlama oyununda sınaqdan keçirəcək.

Sözügedən komanda iyulun 22-də Tiflis “Dinamo”su ilə qarşılaşacaq. Bu oyuna saat 19:00-da start veriləcək.

İyulun 25-də “Qaqra” ilə qarşılaşacaq “dənizçilər”, ayın 29-da da “Dila”nı sınağa çəkəcək. Bu oyunlar isə eyni saatda 18:15-də başlayacaq.