“Səbail”də yeni müqavilə

“Səbail” futbolçusu Yusif Nəbiyevlə müqavilənin müddətini uzadıb.

Komanda.az paytaxt təmsilçisinin mətbuat xidmətinə istinadən xəbər verir ki, 26 yaşlı müdafiəçi ilə birillik anlaşma əldə olunub.

Nəbiyev ötən ildən “dənizçilər”in uğurları üçün çalışır. O, Premyer Liqada 34, ölkə kubokunda 3 oyuna çıxıb. Futbolçu bu matçlarda 5 qol və eyni sayda məhsuldar ötürmə ilə yadda qalıb.