Rəsmi: “Sumqayıt”dan ayrılan futbolçu “Qəbələ”də

2019-2020-ci illər mövsümünün ikinci yarısının hazırlıqlarını davam etdirən “Qəbələ” qış transfer pəncərəsində ilk futbolçu keçidini rəsmiləşdirib.

Komanda.az klubun saytına istinadən xəbər verir ki, “qırmızı-qaralar” Ehtiram Şahverdiyevi heyətinə qatıb. 23 yaşlı yarımmüdafiəçi ilə 1,5 illik müqavilə imzalanıb.

“Qəbələ” Futbol Akademiyasının yetirməsi olan Ehtiram üç illik fasilədən sonra keçmiş komandasına qayıdıb. 2017-19-cu illərdə “Sumqayıt”ın şərəfini qoruyan yarımmüdafiəçi, bunadək “qırmızı-qaralar”ın heyətində çıxış edib. O, 2015-2016-cı illər mövsümündə “Qəbələ”nin əsas komandasında 2 oyun keçirib.