Rəsmi: Elvin Məmmədov “Zirə”də

“Zirə” heyətini yeni futbolçu ilə gücləndirib.

Komanda.az klubun rəsmi “facebook” səhifəsinə istinadən xəbər verir ki, “qartallar” “Sumqayıt”dan ayrılan Elvin Məmmədovla anlaşıb. 30 yaşlı yarımmüdafiəçi ilə 2 illik müqavilə bağlanılıb.

Daha əvvəl –  2016/17 mövsümündə də “Zirə”nin şərəfini qoruyan Məmmədov indiyə qədər “Turan”, “Qarabağ”, “Bakı”, “İnter”, “Qəbələ” və “Sumqayıt”da forma geyinib.

“Zirə” son mövsümdə Azərbaycan Premyer Liqasında 5-ci yeri tutub.