Slot: “Real”la matçı səbirsizliklə gözləyirik”

“Liverpul”un baş məşqçisi Arne Slot Çempionlar Liqasının 5-ci turunda “Real”la ev oyunu ilə bağlı gözləntilərini bölüşüb.

Komanda.az UEFA-nın mətbuat xidmətinə istinadən xəbər verir ki, niderlandlı məşqçi “Real”la matçı səbirsizliklə gözlədiklərini deyib:

“Real” müxtəlif üslub və üsullarla necə qalib gələcəyini bilir. Ona görə də, onların bu turnirdə çoxlu qələbələri var. Onlara qalib gəlməyin yolunu tapmağa kömək edə biləcək möhtəşəm oyunçular var. Amma bizim də əla oyunçularımız var. Ona görə də, bu matçı səbirsizliklə gözləyirik.

Hesabda önə keçmək bizə qismət olsa, yenə də yadda saxlamalıyıq ki, hakim final fitini çalana qədər oyun bitməyib. Rəqibimiz “Real” olanda bu təhlükə bir az daha güclü hiss olunur”.

“Liverpul” – “Real” matçı bu gün keçiriləcək.