Rüstəm Orucovdan bürünc medal

Özbəkistanın paytaxtı Daşkənddə keçirilən cüdo üzrə “Böyük dəbilqə” turnirinin ikincu yarış günü Azərbaycan milli komandası üçün uğurlu olub.

Komanda.az xəbər verir ki, bu dəfə millimizin 3 üzvü tatami üzərinə çıxıb.

73 kq çəki dərəcəsində yarışan Rüstəm Orucov nüfuzlu yarışın bürünc medalını qazanıb. Cüdoçumuz 3-cü yer uğrunda görüşdə Obidxon Nomonova qalib gəlib.

Digər 2 təmsiçimiz – Hidayət Heydərov və Murad Fətiyev (hər ikisi 81 kq) turniri medalsız başa vurub.

Qeyd edək ki, cüdo millimiz yarışa 10 kişi və 2 qadın idmançı ilə qatılıb.