Rusiyalı xokkeyçi qəsrini 15 milyon dollara satır – FOTO

Məşhur rusiyalı xokkeyçi İlya Kovalçuk ABŞ-da – Nyu Cersidəki qəsrini 15 milyon dollara satır.

Komanda.az “The New York Post”a istinadən xəbər verir ki, rus xokkeyçi Nyu Cersi ştatının Alpine şəhərindəki malikanəsini növbəti dəfə satışa çıxarıb.

Kovalçukun malikanəsinin qiyməti 2019-cu ildə 18 milyon dollar, 2020-ci ildə 16 milyon dollar olub.

Kovalçuk malikanəni 2010-cu ildə, MXL-də mübarizə aparan “Nyu Cersi Devils”də oynayarkən alıb. Qəsrin sahəsi 22 min kvadrat metrdir. Malikanədə 8 yataq, 11 vanna və banket ölçülü yemək otağı var.

Xəbərdə həmçinin, bildirilir ki, Kovalçuk bu yaxınlarda Beverli-Hillzdəki evini 12,4 milyon dollara satıb.