Rusiya klubu “Qarabağ”ın futbolçusu ilə maraqlanır

Moskva “Dinamo”su “Qarabağ”ın qapıçısı Andrey Lunyovla maraqlanır.

Komanda.az xəbər verir ki, bu barədə “İnsides from Karp” teleqram kanalı məlumat yayıb.

32 yaşlı futbolçunun transferi bu yay yekunlaşa bilər.

Andrey Lunyov ötən yaydan “Qarabağ”da çıxış edir. O, bu mövsüm 32 oyun keçirib, 40 qol buraxıb. Qapıçı əvvəllər “Bayer”də, həmçinin, “Zenit”də çıxış edib.

“Transfermarkt” portalı Lunyovun dəyərini 1 milyon avro qiymətləndirir. Onun “Qarabağ”la müqaviləsi bu yay başa çatacaq.