Runiyə görə İngiltərənin ən yaxşısı odur

“Mançester Yunayted”in və İngiltərə millisinin sabiq hücumçusu Ueyn Runi hazırda kimi ən yaxşı ingilis futbolçu hesab etdiyini açıqlayıb.

Komanda.az “Talksport”-a istinadən xəbər verir ki, ingiltərəli keçmiş forvardın seçimi Fil Fodenin xeyrinədir:

“Fil Foden mənim üçün ən yaxşısıdır. O, hələ bu mövsüm özünü göstərməyib, amma tam formasını bərpa edəndən sonra İngiltərənin ən yaxşısıdır. Siz Çud Bellingem və Koul Palmeri də qeyd edə bilərsiz, amma mənim seçimim Fodenin xeyrinədir”.

Foden İngiltərə çempionatının son mövsümünün ən yaxşı oyunçusu kimi tanınıb.

“Mançester Siti”nin 24 yaşlı yarımmüdafiəçisi Premyer Liqanın cari mövsümündə 4 matçda iştirak edib. Onun komandası hazırda İngiltərə çempionatının turnir cədvəlində 3-cü yerdədir.