Runi: “VAR-ı həqiqətən sevmirəm”

“Mançester Yunayted”in keçmiş hücumçusu Ueyn Runi Premyer Liqada VAR-dan imtina təşəbbüsünü dəstəklədiyini bildirib.

Komanda.az “Sky Sports”-a istinadən xəbər verir ki, keçmiş futbolçu VAR-ı sevmədiyini deyib:

“Premyer Liqa VAR-ın ləğvinə səs verəcəkmi? Zəhmət olmasa! Zəhmət olmasa! VAR-ı həqiqətən sevmirəm. Bu, oyundan bütün əyləncələri alır. Oyunçu qol vurarsa, o, qeyd etmək üçün gözləməlidir və eyni şey azarkeşlər üçün də keçərlidir”.

Daha əvvəl məlum olmuşdu ki, İngiltərənin Premyer Liqa klubları gələn mövsümdən VAR sisteminin ləğvinə səs verəcək.