Runi: “Keyn inanılmazdır”

“Mançester Yunayted”in və İngiltərə yığmasının sabiq hücumçusu Ueyn Runi “Bayern”in forvardı Harri Keynin çıxışını yüksək qiymətləndirib.

Komanda.az xarici KİV-ə istinadən xəbər verir ki, o, ingilis futbolçunun peşəkar oyunçu olduğunu söyləyib:

“O, inanılmazdır. Vurduğu qollar, yaratdığı şanslar onun əsl peşəkar olduğunu göstərir. “Bayern” kuboklar qazanmasa, bu çılğınlıq olacaq. Amma Keyn harada oynamasından asılı olmayaraq həmişə çoxlu qol vurur”.

Keyn bu mövsüm bütün turnirlərdə 34 matçda iştirak edib, 36 qol vurub və 11 məhsuldar ötürmə edib.

Almaniya çempionatının 25 turundan sonra “Bayern” 57 xal toplayıb və lider “Bayer”dən 7 xal geri qalaraq, 2-ci pillədə qərarlaşıb.